Nigeria President Muhammadu Buhari go swear in new ministers on August 21 2019.
Di president tok dis one for im official Twitter handle.
According to di Secretary to di goment of di Federation (SGF), Boss Mustapha, di swearing-in ceremony go take place for di Federal Executive Council Chamber for di Presidential Villa for Abuja.
- Fashola ansa qweshion left, right and centre from Senators during ministerial screening
- Ministerial list: Seven women make Buhari list
Dis announcement dey come afta President Buhari approve make dem do welcome ceremony for di new ministers for di state house banquet hall for Abuja on August 15-16.
Di 42 ministers in waiting collect di documents wey dem go need for dia work on Tuesday for di Office of di Secretary to di goment of di Federation..
Last month Nigeria Senate screen all di 42, ministerial nominee names wey di president send give dem.