We no get secret graveyard for north east – Defence HQ

Nigeria Defence Headquarters don deny tori say military get secret graveyards for di north east of di kontri.

Di HQ bin dey respond to one tori wey international tori pipo Wall Street Journal (WSJ) publish say Army don bury hundreds of soldiers for secret graves in order to cover up di number of soldiers wey don die for di war against di terrorists dem for di north east of di kontri.

According to statement di DHQ release, di Armed Forces of Nigeria get beta tradition to bury and honour dia fallen heroes and so dem no dey engage in such.

WSJ bin report say dem get dia info from Nigerian soldiers, diplomats and one senior goment official.

According to dem, one soldier wey speak from Maimalari barracks tell dem say “dem bury several of my comrades inside secret graves for night,” wia more dan 1,000 soldiers based, “dem dey die and dem dey delete dem from history.”

DHQ say make pipo disregard di report.

Leave a Reply

Your email address will not be published.

This site uses Akismet to reduce spam. Learn how your comment data is processed.